Pakistani band call k lead vocalist, junaid khan nay international singer Jennifer jandris ki collaboration mei gaya gaya song “so close so distant” ki music video release ker di hai. Iss song ko compose junaid khan nay kiya hai aur lyrics bhi junaid khan nay he likhe hain lekin iss silsalay mei un ka saath Jennifer jandris nay bhi diya. Song ki audio black mug production say sami khan nay produce ki jab k girard peter music video k DOP hain. Song ki video US mei shoot ki gayi hai. Jab k iss melodious aur excellent track ki shoot k liye jo locations use ki gayi hain wo bhi bay had outstanding hain. Yahan hum ap ko batate chalein k call band iss say pehle bollywood films k liye kai tracks ga chukka hai lekin call band k lead vocalist junaid khan ka yeh first solo international project hai.

Junaid khan k baad, kerte hain baat Pakistani model Natasha hussain ki, jo showbiz industry k dousaray kai celebrities ki tarha rumors ki zad mei anay say na bach sakein Pakistan ki famous fashion model, Natasha hussain k baray mei kaha ja raha hai k wo ab fashion designing ki tarf bhi a rahi hain aur apne label ka naam “natty” rakhay gein. Yahi nahi balke yeh bhi kaha ja raha hai k Natasha hussain working women ko target kerte huwe apni collection tayar ker rahi hain. Well jab iss baray mei Natasha hussain say pocha gaya tu onho nay apne say juri in news ko rumors qaraar dayte huwe kaha k wo fashion designing ki tarf hergiz nahi a rahi

Pakistani singer shumaila hussain bhi, NON PROFIT ORGANIZATION, sonic peace makers ka hisa bun gayein hain. Aur apne music k through ab charity aur peace bhi promote karein gi. Host cum singer Shumaila hussain nay 2010 mei apna song “nain laray” release ker k kafi fame hasil kiya tha. Jab k ab wo sonic peace makers ka hisa banay pay kafi excited hain. Shumaila hussain nay e news ko bataya k sonic peace makers k through peace promotion aur charity k liye aik album tayaar ki ja rahi hai. Jis mei un k saath saath atif aslam, farhan saeed aur areeb azhar samait 30 Pakistani singers shamil hain. Shumaila hussain nay bataya k wo 24rth march ko Karachi mei perform karein gi. Aur sonic peace makers k saath un ka yeh pehla concert ho ga. yahan hum ap ko batate chalein k sonic peace makers ko American guitarist, producer Lanny Cordola aur singer, songwriter Todd Shea head ker rahe hain. Jab k atif aslam in dono artists k saath aik music video “we will rise again” bhi release ker chukke hain.

Recently Karachi mei model cum designer nadia hussain nay 2012 lawn ki exhibition ki thi, aur ab valentine’s k moukay pay werda lawn exhibit ker di gayi hai. Iss moukay pay models nay lawn k ready to wear dresses ko carry kiya huwa tha. jo k small scale pay arrange kiye gaye fashion show mei showcase kiye gaye. Last year ki tarha iss saal bhi long shirts, churi daar pajama aur trousers he daikhnay mei a rahe hain. Lekin cuts mei kuch nayi additions nazar ayi. Iss moukay pay guest celebrities aur models nay E news ko bataya k onhay lawn mei use huwe colors bay had pasand aye hain kyun k tamaam colors, summers ko mad e nazar rakhtay huwe use kiye gaye hain.